នាព្រឹកថ្ងៃទី២៩ ខែមេសា ឆ្នាំ២០១៩ នៅការិយាល័យគយព្រំដែនកម្ពុជា ថៃ (អារញ្ញប្រាថេត -ប៉ោយប៉ែត) មានរៀបចំពិធីទទួលឧបករណ៍ត្រួតពិនិត្យគុណភាពខ្យល់ និងផ្សែងអ័ព្ទឆ្លងដែនពីភាគីថៃ។ ឧបករណ៍នេះសម្រាប់ធ្វើការតាមដានគុណភាពខ្យល់ និងផ្សែងអ័ព្ទឆ្លងដែន ក្នុងនោះដែរក៏ប្រើប្រាស់សម្រាប់បណ្តុះបណ្តាលមន្រ្តី រយះពេលពីរខែ ចាប់ពីថ្ងៃទី២៩ ខែមេសា ឆ្នាំ២០១៩ ដល់ថ្ងៃទី០២ ខែកក្កដា ឆ្នាំ២០១៩។ ពិធីប្រព្រឹត្តទៅក្រោមអធិបតីភាពលោក ប៉ាក សុខារ៉ាវុត អគ្គនាយករងគាំពារបរិស្ថាន និងលោក Thalearngsak Petchsuwan អគ្គនាយករង នៃក្រសួងធនធានធម្មជាតិ និងបរិស្ថាននៃព្រះរាជាណាចក្រថៃ ដោយកម្មវិធីនេះស្ថិតក្រោមកិច្ចសហប្រតិបត្តិការរវាងអគ្គនាយកដ្ឋានគាំពារបរិស្ថានក្រសួងបរិស្ថាន នៃព្រះរាជាណាចក្រកម្ពុជា និងនាយកដ្ឋានត្រួតពិនិត្យការបំពុលបរិស្ថាន ក្រសួងធនធានធម្មជាតិ និងបរិស្ថាន នៃព្រះរាជាណាចក្រថៃ។